Komeda’s coffee コメダ珈琲 (香港）

平時去日本都會去呢間 Komeda’s coffee ，分店多，咖啡都唔錯，又好坐，價錢唔貴，同埋最鐘意買佢花生豆豆做手信！

之前見到 The One 地庫 Aeon 開左呢間店，當日因為食飽左冇幫襯，早兩星期想去試吓又要等位，今日早左起身，就去試吓！

去到就有位，呢度有三個面壁位，啱晒一個人嚟！ 呢度掃 QR code 落單，終於有中文餐牌睇😂😂 叫左拿破倫意粉追加塊多士，本身意粉有塊法包，追加嘅係方包，方包可配牛油或果醬，如果要晒兩樣要另計$10 😅 咖啡要左大杯裝嘅豆乳咖啡，每杯咖啡都跟一小包花生豆豆 (11:00 後才有) 😅 意粉份量唔多，跟左沙律菜，法包🥖對我嚟講好硬 🤣 方包好味又鬆軟！咖啡不過不失。不過總覺得日本的豆乳或燕麥奶味道唔太好！ 

食鉋睇吓門口有咩賣，有方包，花生豆豆、盲盒，咖啡豆、杯等等，我原本想買方包，但份量太多！(好似有6片) 花生豆豆留返去日本買，呢度太貴了！🤣🤣

 

香港花卉展覽2024

一年一度的花卉展覽又嚟，上星期五已經開始左，但因為冇假放，要遲左一星期，今日先入去影相！今朝先去睇醫生，再去中環歌賦街果間座銀，食碗雞白湯拉麵，幾鐘意佢D餸幾好味，可惜湯都係唔及篝！然後先過去維園！

今年主題花係香彩雀，平時唔係好聽到呢隻花嘅名！今年擺設都好靚，天氣都幾好，不過一年比一年多人！影到人嘅機會大好多，今年埸內有幾棵樱花🌸🌸，而且開得幾茂盛！今年個鬱金香花海 🌷🌷🌷，亦都較往年豐富，而今年嘅品種亦都係比較大朵，顏色亦多左！靚！近天后果邊有個用花砌出嚟嘅粵劇花旦頭，青B B咁，感覺怪怪，好似第一次見渣打一百蚊紙上面個花旦樣咁，再詭異一D😅😅

又過去太陽花田🌻🌻果邊影吓相，好多太陽花🌻都低晒頭！工人都努力換花！今年影相比往年少！可能太多人，又熱又口乾，冇乜mood 影！

 

Duffy 與好友春日友約

又去廸士尼，今次係 Duffy and friends 主題，樂園入口火車站的米奇頭又轉左做 Duffy ，今日都頗多遊客！去到邊都人頭湧湧！

除咗火車站轉左Duffy頭，仲有小鎮大街放左用花砌成的 Duffy and friends ! 自然多人打咭，我都影吓相！ 行吓商店，依家覺得商店多野賣左，好多新產品，感覺多而不精，唔見一D靚到非買不可的產品！😅

去Frozen 園區排隊玩機動遊戲，今次條隊郁得好快，半小時多D就可以玩，今次坐第一行！正！ 可以拍片😅 

睇左一陣個舞台show ，又睇左小型巡遊，玩埋 Ironman ，然後去食飯，今去左Plaza Inn 食中餐！原本想食小小點心，點知晚市冇點心食 🤦🏻‍♀️ 我地叫左燒鵝、菜苗、炒飯，份量都幾大碟，頗飽！

食飽行多陣，就去等睇煙花，雖然坐低等，但係開始前15分鐘，全部人要企晒起身睇！我都好耐冇睇，上次臨時取消左，今次終於可以睇，好靚好精彩，但我仍然是喜歡以前那個煙花多D！😄

 

泓一

又去搵雞白湯拉麵！今次去黃埔花園，好耐冇去過黃埔花園了，雖然有地鐵方便左，但係冇乜誘因去黃埔！今次就有了！

地鐵站出嚟，行前小小就見到呢間拉麵店！去到見有一個學生在等位，店內大約只有8-9 個位，等一陣已經有人走！呢度一共有六款湯麵，一款沾麵，除左雞白湯，仲有醬油、鹽味、鰹魚湯，而沾麵係用海老湯，餐牌上寫住雞白湯係第一位！所以試雞白湯，佢個麵同野見個麵係一樣，有D顆粒咁，個湯似返一般雞白湯，雞味唔算濃厚！D肉就比野見好味D，湯就同篝爭好遠😅😅 呢度有餃子食👍🏻 行過路過可以一試！

 

Poor Things 可憐的東西

在19世紀的英國，醫學生Max 成為外型似科學怪人的醫生Baxter 的助理，Max 發現醫生家中有一個女人，名為Bella ，有着成熟女人外型但行為像個小孩，Bella 原來係是一名從橋上墜河自盡的孕婦，Baxter 發現她已死，但胎兒仍未完全死亡，於是將她腹中胎兒的腦部移植到女人的腦部，令Bella 以人造再生的方式存活，Max 對Bella 漸生情愫，並得 Baxter 同意向貝拉求婚，雖然Bella 答應了，但隨着她智力的迅速發展，Bella 對外面的世界變得很好奇，被一名律師Duncan 帶著她私奔。Baxter 決定放Bella 離開，和Duncan 踏上了一段偉大的旅程……!

套戲頗長，成套戲都係衝住奧斯卡而來，各個角色都係演員本身的一大突破！各人都令人刮目相看，故事內容亦有少少天馬行空，畫面色彩繽紛，好睇！

 

鬼滅之刃 絆之奇蹟 邁向柱訓練 Demon slayer Kimetsu no Yaiba to the Hashir

 

炭治郎等人和半天狗之間的重要決戰，經過一輪激戰之後，炭治郎快要在天光之前殺滅鬼怪，但同時要兼顧禰豆子不能夠接觸陽光，在殺鬼與拯救人類嘅同時要抉擇是否放棄禰豆子，最終忍着悲痛，繼續斬殺鬼怪，任得禰豆子被陽光照射，炭治郎以為自己害死了妹妹，但禰豆子竟克服到陽光，禰豆子終於不用再咬住竹筒了！但亦使得無慘開始將目光轉向了她，迫使開啟了柱訓練篇…..！

你睇之前，有朋友話套戲好悶，因為話開場頭一半都講返電視劇嘅內容，因為佢電視劇第二輯我都未得閒睇，所以我冇睇過，就唔覺得佢悶，結尾亦都預告咗仲有下一集，期待下一集再繼續睇！

Chatterbox

今晚約咗好友去睇戲，睇戲之前大家食餐飯，去咗呢間餐廳，經過好多次，都係第一次嚟食，佢係食新加坡菜，我哋叫咗個二人餐再加少少嘢食，有喇沙、海南雞飯、肉骨茶等等，都係一D新加坡名物，味道不過不失！